Norðurland eystra

Norðurland eystra nær yfir 22.735 km² eða allt frá Tröllaskaga í vestri, yfir Eyjafjörð og Þingeyjarsýslur austur til Sandvíkurheiðar á milli Bakkaflóa og Vopnafjarðar. Á svæðinu eru þrettán sveitarfélög með liðlega 30.000 íbúa. Sveitarfélögin eru Akureyri, Fjallabyggð, Dalvíkurbyggð, Hörgársveit, Eyjafjarðarsveit, Svalbarðsstrandarhreppur, Grýtubakkahreppur, Þingeyjarsveit, Skútustaðahreppur, Norðurþing, Svalbarðshreppur, Tjörneshreppur og Langanesbyggð. Fjölmennasta sveitarfélagið er Akureyri með tæplega 19.000 íbúa en fámennastur er Svalbarðshreppur með 91 íbúa.

Samtök sveitarfélaga og atvinnuþróunar á Norðurlandi eystra (SSNE) hefur það að yfirlýstu markmiði í sóknaráætlun sinni fyrir 2020-2024 að „Efla fjölbreytt atvinnulíf og stuðla að nýsköpun á öllu svæðinu. Sérstök áhersla er lögð á matvælatækni, velferðartækni, frumgreinar, ferðaþjónustu, og norðurslóðamál“.

Lausnamót (e. Hackathon)

Hacking Norðurland er hluti af lausnamótaröð Hacking Hekla sem hóf göngu sína árið 2020. Hacking Norðurland er annað mótið sem hadið hefur verið.

Hraðlar

Norðanátt / Hringrás nýsköpunnar
Vaxtarrými er viðskiptahraðall fyrir frumkvöðla, ný fyrirtæki og nýsköpun innan rótgróinna fyrirtækja á Norðurlandi
Hæfnihringir er samstarfsverkefni landshlutasamtaka að bjóða konum í atvinnurekstri stuðning og fræðslu.

Nýsköpunarviðburðir

Nýsköpunarverkefni á Norðurlandi eystra

Kaffi kú	Akureyri	Veitingastaður í hátæknifjósi og sælkeraverslun beint frá býli.
Pure Natura	Sauðárkrókur	Framleiðir hágæða bætiefni og matvæli úr íslensku hráefni; innmat og kirtlum úr íslenskum lömbum og villtum jurtum.
Gilhagi	Öxarfjörður	Ullarvinnsla á ull úr héraði.
Mýsilica	Bjarnarflag	Hágæða húðvörur unnar úr náttúrulegum kísil og steinefnaríku jarðhitavatni sem fellur til við vinnslu á jarðvarma. Samstarf við HA.
Mórúnir	Keldur	Handlituð upp og opin jurtalitunarstofa í Lóni í Kelduhverfi þar sem hægt er að versla garn og kynnast framleiðsluferlinu.
Breiðargerði	Skagafjörður	Garðyrkjustöð með vottaða lífræna ræktun.
Friðlandsstofa	Dalvík	Fræðslusetur, samvinnurými og aðsetur starfsmanns Friðlandsins.
Samfélagsgróðurhús	Öxarfjörður	Eitt þriggja tilraunaverkefna í alþjóðlegu rannsóknarverkefni sem nefnist Crowdthermal unnið af Eimi og GEORG.
Matarkistan Skagafjörður	Skagafjörður	Ýmsir aðilar í héraðinu vinna saman að því að efla skagfirska matarmenningu og koma henni á framfæri. Vefverslun beint frá býli.
Mýsköpun	Bjarnarflag	Tilraunaræktun á smáþörungnum til að þróa og framleiða spirulina duft sem fæðubótaefni. Framleiðsla á lífefnum úr þörungum með fjölnýtingu jarðhita í fyrirrúmi og nýtingu auka afurða sem verða til í framleiðsluferlinu.
SinfoniaNord	Akureyri	Uppbygging, rekstur og markaðssetning tónlistarupptökustarfsemi í Hofi með áherslu á sinfóníska kvikmyndatónlist.
Norðurstrandaleið		Norðurstrandarleið býður ferðamönnum að kanna norðurströnd Íslands en leiðin fer um alla strandlengjuna, frá Hvammstanga í vestri til Bakkafjarðar í austri.
Verksmiðjan á Hjalteyri	Hjalteyri	Gestavinnustofa og sýningarstaður fyrir samtímalist.
Ektafiskur	Hauganes	Framleiðir næringarríkan saltstein fyrir búfé úr afsalti sem fellur til við söltun á fiski.
Plastgarðar	Akureyri	Þróa heyrúllupoka úr endurunnu plasti sem hægt er að nota ár eftir ár og skapa þannig hringrásarhagkerfi landbúnaðarplasts.
Íslandsþari	Húsavík	Nýtir jarðhita til að vinna verðmætar afurðir úr stórþara sem vex í miklu magni við Norðurland. Verkefnið byggist á sjálfbærni, fullnýtingu og fullvinnslu hráefnisins í sátt við náttúruna.
Austan Vatna	Skagafjörður	Framleiðir Chimicurri sósur og fullvinnur kjötafurðir. Notast er við staðbundin hráefni og lögð áhersla á mikilvægi samspils náttúru og dýra.
Nægtarbrunnur Náttúrunnar		Hefur það að markmiði að þróa og hefja framleiðslu nýrra drykkjarvara úr staðbundnu hráefni, til dæmis grasöl og rabarbarafreyðivín.
Icelandic Eider	Akureyri	Sérhæfir sig í fullvinnslu æðardúns og þróun á útivistarvörum. Um er að ræða sjálfbærar vörur þar sem dúnninn fellur til af villtum fuglum og til hreinsunar er notast við jarðvarma af svæðinu.