Hæfnihringir

Hæfnihringir eru ætlaðir konum í frumkvöðlastarfsemi og atvinnurekstri en markmið Hæfnihringjanna er að aðstoða frumkvöðlakonur við að komast yfir hindranir með því að styrkja hæfni og færni þeirra, veita stuðning í formi fræðslu og hagnýtra tækja til eflingar og hvatningar ásamt því að efla tengslanet þeirra. Hæfnihringir eru samstarfsverkefni nokkurra landshlutasamtaka og atvinnuþróunarfélaga sem byggir á aðferðafræði sem kallast aðgerðanám en þar er notast við raunverulegar áskoranir, verkefni og tækifæri sem grunn fyrir lærdóm. Fundirnir fara fram á netinu og er þar um að ræða sex leidda fundi. Í kjölfarið er regluleg eftirfylgni í lokuðum Facebook hóp.

Að verkefninu standa Samtök sveitarfélaga og atvinnuþróunar á Norðurlandi eystra SSNE, Samtök sveitarfélaga á Norðurlandi vestra SSNV, Samtök sveitarfélaga á Vesturlandi SSV, Samtök sveitarfélaga á Suðurnesjum SSS, Austurbrú, Samtök sunnlenskra sveitarfélaga SASS og Vestfjarðarstofa.