Austurland

Landshluti
Íbúafjöldi	11000
Flatarmál	15706 km²

Í Sóknaráætlun Austfjarða 2020-2024 segir: „[Í] landshlutanum eru sterkar atvinnugreinar sem byggja á staðbundnu hráefni og vinnuafl er stöðugt. Framfarir í atvinnulífinu hafa verið miklar en frumkvöðlastarf og nýsköpun er takmörkuð og skortur er á menntuðu starfsfólki.“

Lausnamót

Lausnamótið Hacking Austurland var fyrst haldið 2021 undir yfirskriftinni Bláa auðlindin þar sem áhersla var lögð á að vinna að þróun lausna við áskorunum tengdum auðlindum hafsins. Mótið er hluti af lausnamótaröð Hacking Hekla sem hóf göngu sína árið 2020, en Hacking Hekla er ætlað að ferðast um landið og styðja við það frumkvöðlastarf sem á sér stað í landsbyggðunum og tengja saman frumkvöðlasenurnar í dreifbýli og þéttbýli. Hacking Austurland var haldið á vegum Austurbrú og Nordic Food in Tourism í samstarfi við Hacking Hekla og Hugmyndaþorp Austan mána.

Samvinnu- og/eða nýsköpunarrými

Sköpunarmiðstöðin er samvinnurými og miðstöð lista og nýsköpunar starfrækt í gamalli fiskverksmiðju. Meðal þess sem boðið er uppá eru námskeið og vinnustofur, listdvöl (e. art residency) og fullbúið hljóðupptökuver.

Múlinn samvinnuhús er samvinnurými og miðstöð nýsköpunar. Húsnæðið sem hýsir ólík fyrirtæki, stofnanir og einstaklinga.

Herðubreið á Seyðisfirði er menningar- og félagsheimili Seyðisfjarðar hýsir ýmsar hátíðir, þar má til dæmis nefna LungA-hátíðina, List í Ljósi og kvikmyndahátíðina Flat Earth film festival. LungA-skólinn er með starfssemi sína í húsinu á veturnar á annari hæð húsins. Herðubreið er með tvo sali (annar með sviði) og getur hýst stórar veislur, dansleiki, ráðstefnur, fundi og fleira. Húsið bíður einnig uppá minni sali fyrir smærri viðburði og fundi.

Annað stuðningsumhverfi

Austurbrú á Egilstöðum er samfélags- og þjónustumiðstöð byggð á grunni Þekkingarnets Austurlands, Þróunarfélags Austurlands, Markaðsstofu Austurlands og Menningarráðs Austurlands k þess að annast daglegan rekstur Sambands sveitarfélaga á Austurlandi, SSA. Starfsemin, sem hefur 7 starfsstöðvar, miðar að því að ýta undir þróun samfélagsins, atvinnulífsins, háskólanáms, símenntunar, rannsókna og menningarstarfs í landshlutanum

Nýheimar þekkingarsetur á Hornafirði sameinar ólíkar stofnanir undir einn hatt í þeim tilgangi að efla samvinnu og skapa öflugt þekkingarsamfélag á landsbyggðinni, stuðla að jákvæðri byggðaþróun á Suðausturlandi og bæta lífsgæði á svæðinu.

Rannsóknarsetur Háskóla Íslands á Breiðdalsvík Rannsóknarsetur staðsett á Breiðdalsvík. Megináhersla rannsókna eru jarðvísindi og málvísindi. Helstu verkefni lúta að rannsóknum og miðlun rannsóknarniðurstaðna, sem og kennslu og leiðbeiningu framhaldsnema í jarðvísindum.

Rannsóknarsetur Háskóla Íslands á Austurlandi Rannsóknarsetur staðsett á Egilstöðum. Rannsóknir á sögu, samfélagi og náttúru Austurlandi með sérstaka áherslu á tengingu manns og náttúru.

Rannsóknarsetur Háskóla Íslands á Hornafirði Rannsóknarsetur staðsett í Nýheimum á Höfn í Hornafirði. Sérstök áhersla er lögð á rannsóknir sem tengjast ferðaþjónustu em markmið setursins er að auka þekkingu á náttúru og efla menningu og samfélag á landsbyggðinni.

LungA School Sjálfstæð listastýrð stofnun sem býður tvö 3 mánaða prógröm; listdvöl eða listnám. Ýtt er undir óhefðbundna nálgun á hugsun og fastmótuð gildi og tilraunakennda listiðkun.

Nýsköpunarverkefni á Austurlandi

Nafn	Staðsetning	Lýsing
Sauðagull	Egilsstaðir	Framleiðir matvörur úr sauðamjólk.
Tilraunaeldhús Hallormsstað	Hallormsstaðir	Fullvottað og vel tækjum búið eldhús fyrir frumkvöðla og smáframleiðendur.
Yggdrasill Carbon	Egilsstaðir	Tenging kolefnisfjármála (carbon finance) við verkefni sem stuðla að minnkun losunar eða bindingu kolefnis.
Skógarafurðir ehf	Fljótsdalur	Tæknisögunarmylla fyrir íslenskar skógarafurðir.
Austurlands Food Coop	Seyðisfjörður	Innflutningur og áskriftarþjónusta fyrir lífrænt grænmeti og ávexti.
Jurt ehf	Egilsstaðir	Vatnsræktun í hátækni gróðurhúsum. Leggur áherslu á sjálfbærni í framleiðslu.
Hafsalt	Djúpivogur	Vinnur frá grunni og framleiðir nokkrar ólíkar bragðgerðir af sjávarsalti.
Goðanes grafinn þorskur	Djúpivogur	Frameiðir nokkrar bragðtegundir af gröfnum þorski.
Holt og heiðar ehf	Egilsstaðir	Sultur og sýróp framleidd úr íslensku hráefni án rotvarnarefna og íslenskir handtýndir þurrkaðir sveppir.
Lefever Sauce Company	Djúpivogur	Framleiðsla á íslenskum Hot sause sósum.
Herðubreið	Seyðisfjörður	Miðstöð fyrir nýsköpun á Seyðisfirði