Norðurland eystra

Norðurland eystra

Norðurland eystra nær yfir 22.735 km² eða allt frá Tröllaskaga í vestri, yfir Eyjafjörð og Þingeyjarsýslur austur til Sandvíkurheiðar á milli Bakkaflóa og Vopnafjarðar. Á svæðinu eru þrettán sveitarfélög með liðlega 30.000 íbúa. Sveitarfélögin eru Akureyri, Fjallabyggð, Dalvíkurbyggð, Hörgársveit, Eyjafjarðarsveit, Svalbarðsstrandarhreppur, Grýtubakkahreppur, Þingeyjarsveit, Skútustaðahreppur, Norðurþing, Svalbarðshreppur, Tjörneshreppur og Langanesbyggð. Fjölmennasta sveitarfélagið er Akureyri með tæplega 19.000 íbúa en fámennastur er Svalbarðshreppur með rétt rúmlega 90 íbúa.

Samtök sveitarfélaga og atvinnuþróunar á Norðurlandi eystra (SSNE) hefur það að yfirlýstu markmiði í sóknaráætlun sinni fyrir 2020-2024 að „Efla fjölbreytt atvinnulíf og stuðla að nýsköpun á öllu svæðinu. Sérstök áhersla er lögð á matvælatækni, velferðartækni, frumgreinar, ferðaþjónustu, og norðurslóðamál“.

Lausnamót (e. Hackathon)

Hacking Norðurland er hluti af lausnamótaröð Hacking Hekla sem hóf göngu sína árið 2020. Hacking Norðurland er annað mótið sem haldið hefur verið.

Hraðlar

Norðanátt / Hringrás nýsköpunnar

Vaxtarrými er viðskiptahraðall fyrir frumkvöðla, ný fyrirtæki og nýsköpun innan rótgróinna fyrirtækja á Norðurlandi

Hæfnihringir er samstarfsverkefni landshlutasamtaka að bjóða konum í atvinnurekstri stuðning og fræðslu.

Nýsköpunarviðburðir

Nýsköpun á Norðurlandi

Hugmyndaþorpið Norðurland

Nýsköpunarhádegi

Nýsköpunarferðalag um Norðurland

Samvinnu- og/eða nýsköpunarrými

Friðlandsstofa er fræðslusetur og aðsetur starfsmanns Friðlandsins. Friðlandsstofa er staðsett í gamla skólanum í Dalvíkurbyggð. Dalvíkurbyggð og Umhverfisstofnun standa að stofnun Friðlandsstofu.

Annað stuðningsumhverfi

Háskólinn á Akureyri kemur að ýmsum rannsóknum sem tengjast nýsköpun.

Rannsóknasetur Háskóla Íslands á Húsavík Rannsóknir sem tengjast aðallega að hvölum en einnig svifi, sjófuglum og loftslagsrannsóknum og öðru sem tengist rannsóknum á hafinu og lífríki þess.

Nýsköpunarverkefni á Norðurlandi eystra

Kaffi kú	Akureyri	Veitingastaður í hátæknifjósi og sælkeraverslun beint frá býli.
Gilhagi	Öxarfjörður	Ullarvinnsla á ull úr héraði.
Mýsilica	Bjarnarflag	Hágæða húðvörur unnar úr náttúrulegum kísil og steinefnaríku jarðhitavatni sem fellur til við vinnslu á jarðvarma. Samstarf við HA.
Mórúnir	Keldur	Handlituð upp og opin jurtalitunarstofa í Lóni í Kelduhverfi þar sem hægt er að versla garn og kynnast framleiðsluferlinu.
Friðlandsstofa	Dalvík	Fræðslusetur, samvinnurými og aðsetur starfsmanns Friðlandsins.
Samfélagsgróðurhús	Öxarfjörður	Eitt þriggja tilraunaverkefna í alþjóðlegu rannsóknarverkefni sem nefnist Crowdthermal unnið af Eimi og GEORG.
Mýsköpun	Bjarnarflag	Tilraunaræktun á smáþörungnum til að þróa og framleiða spirulina duft sem fæðubótaefni.
SinfoniaNord	Akureyri	Uppbygging, rekstur og markaðssetning tónlistarupptökustarfsemi í Hofi með áherslu á sinfóníska kvikmyndatónlist.
Norðurstrandaleið		Býður ferðamönnum að kanna norðurströnd Íslands en leiðin fer um alla strandlengjuna, frá Hvammstanga í vestri til Bakkafjarðar í austri.
Verksmiðjan á Hjalteyri	Hjalteyri	Gestavinnustofa og sýningarstaður fyrir samtímalist.
Ektafiskur	Hauganes	Framleiðir næringarríkan saltstein fyrir búfé úr afsalti sem fellur til við söltun á fiski.
Plastgarðar	Akureyri	Þróa heyrúllupoka úr endurunnu plasti sem hægt er að nota ár eftir ár og skapa þannig hringrásarhagkerfi landbúnaðarplasts.
Íslandsþari	Húsavík	Nýtir jarðhita til að vinna verðmætar afurðir úr stórþara sem vex í miklu magni við Norðurland.
Nægtarbrunnur Náttúrunnar		Hefur það að markmiði að þróa og hefja framleiðslu nýrra drykkjarvara úr staðbundnu hráefni, til dæmis grasöl og rabarbarafreyðivín.
Icelandic Eider	Akureyri	Sérhæfir sig í fullvinnslu æðardúns og þróun á útivistarvörum. Um er að ræða sjálfbærar vörur þar sem dúnninn fellur til af villtum fuglum og til hreinsunar er notast við jarðvarma af svæðinu.