Snjallræði
 | |
| Vefsíða | |
|---|---|
| Tegund | Hraðall |
| Netfang | peacecentre@hi.is |
Snjallræði er samfélagshraðall sem ætlað er að styðja við samfélagslegar lausnir og frumkvöðlastarfsemi sem byggir á heimsmarkmiðum Sameinuðu þjóðanna um sjálfbæra þróun. Það geta verið lausnir sem snúa að heilbrigðisþjónustu og vellíðan, bættu menntakerfi, endurnýtanlegri orku, samgöngumálum og matarsóun. Snjallræði hefur farið fram síðan 2018 en meðal verkefna sem hafa farið í gegnum hraðalinn er verkefnið Nýsköpunarvikan.
Nýsköpunarverkefni Snjallræðis 2021
Bambahús Gróðurhús sem gerð eru úr bömbum taka strax á endurvinnslu, nýsköpun, verðmætasköpun, atvinnuþróun, sjálfbærni, næringu, umhverfisvernd og henta í alla ræktun.
COMAS Markmiðið með heimaræktunarverkefni COMAS er að skapa samfélag einstaklinga sem vilja rækta og framleiða næringarríkan mat með sameiginlegu átaki og með aðstoð nýjustu tækni.
HEIMA app er smáforrit sem sér um verkaskiptingu og hugræna byrði heimilisins með jafnrétti að leiðarljósi.
Tæknivinur er þjónusta sem miðar að því að leiða saman eldri borgara, sem þarfnast ráðgjafar í tæknilegum málum og yngra fólk (tæknivini) sem býr að þekkingu og kunnáttu á því sviði.
WULL Project nýtir vannýtta ull sem annars skilar engu virði til bænda og með því að leggja áherslu á náttúrulega eiginleika ullarinnar vill WULL Project breyta “göllum” hennar í kosti.
SoGreen Verkefnið miðar að því að brúa bilið milli fyrirtækja, sem vilja kolefnisjafna rekstur sinn með því að fjárfesta í verkefnum sem draga úr losun gróðurhúsalofttegunda, og samtaka sem leita eftir fjármagni til verkefna sem tryggja menntun stúlkna.
Electra Markmið Electra er að bæta þjónustu við einstaklinga sem að glíma við fíknisjúkdóm með tilkomu hugbúnaðar. Electra hvetur, leiðbeinir og styður við einstaklinga fyrir og eftir meðferð og eykur líkur á langtíma bata.
Greenfo er að þróa hugbúnað sem er leiðarvísir fyrirtækja í sjálfbærni, kortleggur allt kolefnissporið og setur fram markvissar aðgerðir til þess að draga úr því, með því að nýta upplýsingar sem eru þegar til staðar hjá öllum fyrirtækjum.
