Samtök þekkingarsetra

Úr Vistkerfi nýsköpunar
Stökkva á:flakk, leita

Samtök þekkingarsetra (SÞS) voru stofnuð 22. apríl 2020 en um er að ræða netverk þekkingarsetra á landsbyggðinni sem starfa samkvæmt samningi við mennta- og menningarmálaráðuneytið. Alls eru starfrækt sjö þekkingarsetur víðsvegar um landið og eru þau jafnframt aðilar að Samtökum Þekkingarsetra. Þau eru Nýheimar þekkingarsetur, Austurbrú, Þekkingarnet Þingeyinga, Þekkingarsetur Suðurnesja, Þekkingarsetur Vestmannaeyja, Háskólafélag Suðurlands og Þekkingarsetur Blönduósi.

Meðal samningsbundinna verkefna setranna eru rannsóknir og þróun til eflingar byggðar, þjónusta við háskólanema, hagnýting og miðlun þekkingar sem og efling nýsköpunar, atvinnu og samfélagsþróunar. Hin nýstofnuðu samtök hafa þann tilgang að efla samvinnu setranna á landsbyggðinni, gæta sameiginlegra hagsmuna þeirra og efla skilning á mikilvægi starfseminnar.

Hugrún Harpa, forstöðumaður Nýheima þekkingarseturs á Höfn í Hornafirði, er fyrsti formaður samtakanna.