Hacking Austurland
Fyrsta lausnamót Hacking Hekla á Austurlandi fór fram í október 2021. Hacking Austurland var haldið á vegum Austurbrú og Nordic Food in Tourism í samstarfi við Hacking Hekla og Hugmyndaþorp, en yfirskrift mótsins var Bláa auðlindin. Áhersla var lögð á að vinna að því að þróa lausnir við áskorunum tengdum auðlindum hafsins:
- Auka verðmætasköpun í sjávarútvegi með því að nýta tækni og nýjar aðferðir á skapandi hátt?
- Leiða saman sjávarútveg og landbúnað með því markmiði að stuðla að betri nýtingu afurða í báðum greinum?
- Skapa einstaka matarupplifun með því að tengja saman sjávarútveg og ferðaþjónustu?
- Stuðla að því að hægt sé að kaupa beint frá báti?
Hacking Austurland fór fram að stærstum hluta í gegnum Hugmyndaþorp, sem er stafræn leið til samsköpunar þróuð af sprotafyrirtækinu Austan mána í samstarfi við Hacking Hekla. Þátttaka var öllum opin óháð staðsetningu. Þátttakendur fengu tækifæri til að kynnast nýtingu auðlinda á Austurlandi, tengjast nýju fólki og eflast í að vinna ný verkefni út frá áskorunum svæðisins.
Aðstandendur
Hacking Hekla, Austurbrú og Nordic Food in Tourism.
Tímarammi
30. september - 2. október 2021
Dómnefnd
Þór Sigfússon frá Sjávarklasanum, Margrét Ormslev frá Brunnur Ventures, Ásta Kristín Sigurjónsdóttir hjá Íslenska ferðaklasanum, Guðný Káradóttir hjá Loftslagsráði og Sveinn Margeirsson sveitarstjóri í Skútustaðahreppi
Verðlaun
Sjávarylur: Ylrækt - Veitingar - Sjóböð Verkefnið samtvinnar auðlindirnar sjávarútveg og landbúnað auk ferðamennsku og vinnur að betri nýtingu auðlindanna í þágu náttúrunnar. Að verkefninu stendur Íris Birgisdóttir.
Aðrar viðurkenningar
- Underwater Adventure hlaut viðurkenningu sem Frumlegasta hugmyndin. Að verkefninu standa Guðrún Ástrós Bergsveinsdóttir og Alex Grenier.
- The Icelandic Seaweed experience var valið sem Vinsælasta verkefnið.
- Viðurkenningu fyrir virkni hlaut þátttakandinn Ottó Elíasson en hann gaf mörgum verkefnum endurgjöf.
