Hugmyndaþorp
Hugmyndaþorp (e. Missions.dev) er stafrænn samvinnuvettvangur fyrir skapandi lausnir. Vettvangurinn var hannaður af Austan mána sem er sprotafyrirtæki sem leggur áherslu á samfélagsmiðaða nýsköpun.
Vettvangurinn veitir þátttakendum lausn til hugmyndavinnu fyrir hópa óháð staðsetningu. Innan vettvangsins er hægt að setja fram hugmyndir á ólíkum vinnslustigum sem flokkast í Áskoranir, Hugmyndir og Verkefni. Þátttakendur geta einnig veitt verkefnum stuðning í formi endurgjafar undir sex ólíkum forskriftum, það eru „hattar“ -gagnrýni, -tilfinningar, -jákvæðni, -hugmyndar, -skipulags og -upplýsingar. Jafnframt má melda sig í áhangendahóp tiltekinna verkefna til að fá frekari upplýsingar þegar frammí sækir eða bjóða fram krafta inn í verkefnið.
Hugmyndaþorp hefur verið nýtt fyrir lausnamót, hraðla sem og samvinnuverkefni af ýmsu tagi s.s. Hacking Hekla, Íslenska ferðaklasann, Bláma, Orkídeu, Auðnu tæknitorgs og fleira.
