Hacking Reykjanes

Hacking Reykjanes er vettvangur fyrir hugarflug nýrra hugmynda og opinn öllum sem hafa áhuga á nýsköpun á Suðurnesjum

Lausnamótið Hacking Reykjanes fer fram dagana 17. - 19. mars á netinu. Þátttakendur vinna að því að þróa lausnir við fjórum áskorunum:

Hvernig getum við aukið verðmætasköpun með því að nýta orkuna á Reykjanesi?

Hvernig getum við stuðlað að nýsköpun og þróun í sjávarútvegi og tengdum greinum?

Hvernig getum við aukið verðmætasköpun þvert á atvinnugreinar með aukinni fullvinnslu afurða til að koma í veg fyrir að auðlindir verði að úrgangi?

Hvar liggja tækifærin í nýsköpun og aukinni þjónustu í tenglum við alþjóðaflugvöll, ferðaþjónustu og þjónustu við farþega og flug?

Markmið lausnamótsins er að efla frumkvöðlastarf og sköpunarkraft á svæðinu og þannig stuðla að nýjum verkefnum og viðskiptatækifærum. Lausnamótinu er ekki síður ætlað að vekja athygli á því öfluga frumkvöðlasamfélagi sem er á Reykjanesi.

Útkoman úr lausnamótinu getur verið stafræn lausn, vara, þjónusta, verkefni, hugbúnaður, vélbúnaður, markaðsherferð, eða annað í þeim dúr.

Virkjum skapandi krafta svæðisins!

Sjá einnig: Hacking Norðurland, Hacking Austurland og Hacking Reykjanes.

Fyrsta lausnamót Hacking Hekla á Suðurlandi fór fram 2020. Hacking Suðurland var haldið á vegum Samtök sunnlenskra sveitarfélaga (SASS) og Nordic Food in Tourism í samstarfi við Hacking Hekla og Hugmyndaþorp, en yfirskrift mótsins var Í átt að sjálfbærri framtíð með matartengdri nýsköpun.

Hacking Suðurland fór fram að miklum hluta í gegnum Hugmyndaþorp, sem er stafræn leið til samsköpunar þróuð af sprotafyrirtækinu Austan mána í samstarfi við Hacking Hekla. Þátttaka var öllum opin óháð staðsetningu. Þátttakendur fengu tækifæri til að kynnast nýtingu auðlinda á Suðurlandi, tengjast nýju fólki og eflast í að vinna ný verkefni út frá áskorunum svæðisins.

Níu teymi skráðu sig til leiks og þróuðu áfram verkefni og kynntu fyrir dómnefnd. Sigurvegari Hacking Hekla / Suðurland var Ómangó sem mun rækta suðræna ávexti á Íslandi með frumuræktun.

Aðstandendur

Hacking Hekla, Samtök sunnlenskra sveitarfélaga (SASS), Nordic Food in Tourism, Hugmyndaþorp.

Tímarammi

16.-18. október 2020

Dómnefnd

Verðlaun

Sigurvegarar Hacking Suðurland er Ómangó sem ætla að rækta suðræna ávexti með frumuræktun og munu nota til þess hátækni ræktunartanka

Verkefnið mun gera íslendingum kleift að rækta suðræna ávexti með frumuræktun og mun nota til þess hátækni ræktunartanka. Örugg, sjálfbær og heilbrigð leið til að auka öryggi og fjölbreytni matvæla á Íslandi.

Aðrar viðurkenningar

2. sæti - Bringing Back the Milkman

Mjólkurbíllinn var mikilvægur samfélagslegur hlekkur hér áður fyrr og flutti mjólk og fréttir á milli bæja. Við viljum endurvekja mjólkurbílinn og keyra um Suðurland og flytja vörur framleiðanda og frumkvöðla til neytenda.

3. sæti - Leifur Arnar

Verkefnið ætlar sér að minnka matarsóun á hlekkjum virðiskeðjunnar þar sem fyrirtæki liggja. Vandamálið verður leyst með smáforriti og miðlægu uppvinnslu eldhúsi.