Norðurland vestra

Úr Vistkerfi nýsköpunar
Útgáfa frá 17. nóvember 2021 kl. 14:52 eftir ArnhildurLily (spjall | framlög) Útgáfa frá 17. nóvember 2021 kl. 14:52 eftir ArnhildurLily (spjall | framlög)
Stökkva á:flakk, leita

Norðurland vestra nær yfir 12.737 km² eða allt frá Stikuhálsi á milli Bitrufjarðar og Hrútafjarðar, austur um Húnavatnssýslur og Skagafjörð að Tröllaskaga en landsvæðið telur í heild sinni 7.430 íbúa. Sjö sveitarfélög tilheyra landshlutanum en það eru Húnaþing vestra, Húnavatnshreppur, Blöndósbær, Skagabyggð, Sveitarfélagið Skagaströnd, Sveitafélagið Skagafjörður og Akrahreppur. Fjölmennast er Sveitarfélagið Skagafjörður með rúmlega 4.000 íbúa en fámennast Skagabyggð með rétt rúmlega 90 íbúa.

Landshlutinn er einn af helstu landbúnaðarhéruðum landsins en í sóknaráætlun Norðurlands vestra 2020-2024 kemur fram að nokkurrar fábreytni gæti innan atvinnulífsins en jafnframt að Norðurland vesgra glími við fámenni og lágt menntunarstig. Stefna landshlutans er að efla atvinnuþróun og nýsköpun sem styður við vöxt lykilatvinnugreina og laðar til sín menntað og hæft fólk á öllum sviðum atvinnulífsins. Megináherslur Sóknaráætlunar 2020-2024 í atvinnuþróun og nýsköpun fela í sér að:

  • Auka fullvinnslu afurða
  • Fjölga vaxtarbroddum og styrkja grunnstoðir í atvinnulífinu, s.s. í ferðaþjónustu, nýsköpun, vöruþróun, landbúnaði og sjávarútvegi
  • Draga úr neikvæðum umhverfisáhrifum atvinnustarfsemi á svæðinu.

Samvinnu- og/eða nýsköpunarrými

Verið - vísindagarðar & nýsköpunarsetur

er staðsett á Háeyri Sauðárkróki en Háskólinn á Hólum hefur leyfi til að starfrækja þar fiskeldi í samstarfi við Fisk Seafood.

Frumkvöðlasetur (Hvammstanga

Textílmiðstöð Íslands

Textílmiðstöð Íslands á Blönduósi er samþætting Textílseturs Íslands (stofnað 2005) og Þekkingarsetursins á Blönduósi (stofnað 2012). Þar er rekin fjölbreytt starfsemi en áhersla er lögð á nýsköpunar-, þróunar- og samstarfsverkefni sem stuðla að atvinnuuppbygginu í tengslum við textíl, menningu og sögu svæðisins með áherslu á umhverfisvernd og sjálfbærni. Textílmiðstöð Íslands byggir á samstarfi við ýmis fyrirtæki og stofnanir á Norðurlandi vestra og víðar, bæði í rannsóknar- og þróunarverkefnum á sérsviðum stofnunarinnar og eflingu menntunar. Textílmiðstöð Íslands er hluti af Samtökum þekkingarsetra SÞS.

Ós Textílmiðstöð: Alþjóðleg vinnusmiðja ætluð listafólki, fræðafólki og hönnuðum í textíl þar sem hægt er að sækja um mánaðardvöl í samvinnurými Textílmiðstöðvarinnar.

Textíllab: Fyrsta stafræna textílsmiðjan á Íslandi opnaði í maí 2021. Textílsmiðjan er útbúin stafrænum tækjum sem tengjast textílvinnslu, eins og vefnaði, prjóni, þæfingu og útsaumi. Þegar hefur verið fjárfest í stafrænum vefstól, prjónavél og útsaumsvél, nálaþæfingarvél, auk leiserskera og vínylprentara.

Farskólinn - miðstöð símenntunar á Norðurlandi vestra

Farskólanum er ætlað að efla endur- og símenntun á Norðurlandi vestra, greina þarfir fyrir fræðslu, standa fyrir hvers konar námi og koma á fót háskólanámi í heimabyggð. Skólinn býður uppá samvinnurými fyrir nemendur. Námsverin eru ætluð háskólanemum í fjarnámi auk annara fjarnema.

Nýsköpunarverkefni á Norðurlandi vestra

Nafn Staðsetning Lýsing
Hitaveita í Hrútafirði Hrútafjörður Mat á jarðhitasvæði og hugsanleg stækkun hitaveitu. Prufudæling bor - holu (RS-14) á Reykjatanga í Hrútafirði og mat á vinnslugetu jarðhitasvæðisins og hugsanlegri stækkun hitaveitunnar.
Textílmiðstöð Blönduós Kynna á íslensku ullina, bjóða upp á námskeið og kennslu í textíl með nýtingu og vörusölu í huga. Boðið verður upp á tækjaleigu til einstaklinga til vöruþróunar.


Sól í sveit – tóvinna, textíll og ferðamenn. Styrkfjárhæð 6 m.kr. á árinu 2021. Styrkþegi: Samtök sveitarfélaga á Norðurlandi vestra.

Kolefnisspor Norðurlands vestra: Skýrslan Kolefnisspor Norðurlands vestra var unnin er af Stefáni Gíslasyni hjá Environice fyrir 21 Sóknaráætlanir landshluta 2015 - 2019 Nóvember 2020 SSNV og kom út í ársbyrjun 2020. Í skýrslunni kemur fram að endurheimt votlendis á óræktuðum framræstum jarðvegi sé árangursríkasta leiðin til að draga úr losun gróðurhúsategunda á Norðurlandi vestra og má gera ráð fyrir að svo sé á flestum landbúnaðarsvæðum landsins. Fyrstu skref í endurheimt ættu að felast í því að greina þau svæði sem liggur beinast við að endurheimta, svo sem með tilliti til núverandi notkunar og eignarhalds. Gera þarf grunnrannsóknir á svæðinu til að meta líklegan árangur en hann ræðst af jarðvegsgerð, dýpt, aldri skurða og fleiri þátta. Í skýrslunni er einnig bent á leiðir til að minnka kolefnisspor í samgöngum, brennslu metans á urðunarstaðnum í Stekkjarvík, minni orkunotkun í landbúnaði svo fátt eitt sé talið. Til mótvægisaðgerða er talin landgræðsla og skógrækt en til hennar gefast fjölmörg tækifæri á Norðurlandi vestra. Verkefnið var áhersluverkefni sóknaráætlunar Norðurlands vestra.

Vefslóð: www.ssnv.is/is/moya/news/kolefnisspor-nordurlands-vestra

Kakalaskáli, Kringlumýri í Blönduhlíð og var opnaður árið 2012. Hann er hugsaður sem umhverfi fyrir sögumann sem segir frá atburðum á Sturlungaöld. Þar er boðið upp á sögustundir, sérsýningar og margt fleira. Listaverkasýning, sem helguð er sögu Þórðar kalala, var opnuð þar þann 18. ágúst 2019. Verkefnið var styrkt af Uppbyggingarsjóði Norðurlands vestra.

Vefslóð: www.facebook.com/kakalaskali/