Landbúnaðarháskóli Íslands

Landbúnaðarháskóli Íslands

Landbúnaðarháskóli Íslands (LbhÍ) er mennta- og rannsóknastofnun á sviði náttúrunýtingar og umhverfisfræða með áherslu á verndun og sjálfbæra nýtingu auðlinda landsins, skipulagsmál, menningu og sjálfbæra þróun. Landbúnaðarháskólinn veitir m.a. fræðslu og vísindalega þjálfun fyrir fagfólk í landbúnaði og skyldum greinum. Landbúnaðarháskóli Íslands lítur til víðari skilgreiningar á hugtakinu landbúnaður samkvæmt lögum. LbhÍ er heimilt að veita meistara- og doktorsgráður, sem og starfs- og endurmenntun á þeim sviðum sem kennd eru við skólann.

Landbúnaðarháskóli Íslands er reistur á grunni Rannsóknastofnunar landbúnaðarins (Rala), Landbúnaðarháskólans á Hvanneyri og Garðyrkjuskóla ríkisins, Reykjum í Ölfusi.