Hugmyndaþorpið Norðurland

Úr Vistkerfi nýsköpunar
Útgáfa frá 20. janúar 2022 kl. 14:59 eftir ArnhildurLily (spjall | framlög) Útgáfa frá 20. janúar 2022 kl. 14:59 eftir ArnhildurLily (spjall | framlög)
(breyting) ←Fyrri útgáfa | Núverandi útgáfa (breyting) | Næsta útgáfa→ (breyting)
Stökkva á:flakk, leita

Hugmyndaþorpið Norðurland er hugmyndasamkeppni sem haldin var á vegum sveitarfélaganna Samtök sveitarfélaga á Norðurlandi vestra (SSNV) og Samtök sveitarfélaga og atvinnuþróunar á Norðurlandi eystra (SSNE) í tengslum við Nýsköpunarvikuna 26. maí - 2. júní 2021.

Hugmyndaþorpið Norðurland er einn af þremur viðburðum sem Samtök sveitarfélaga og atvinnuþróunar á Norðurland eystra (SSNE) og Samtök sveitarfélaga á Norðurlandi vestra (SSNV) stóðu fyrir í tengslum við Nýsköpunarvikuna 26.05-02.06 2021. Aðrir viðburðir voru Nýsköpunarferðalag og Nýsköpunarhádegið.

Yfirskrift keppninnar var Hvernig getum við aukið fullvinnslu afurða? Keppnin fór fram í gegnum samsköpunarvettvanginn Hugmyndaþorp, en það er rafrænn vettvangur sem gerir notendum kleift að setja hugmyndir sínar fram á skipulegan og gagnsæjan hátt ásamt því að vera í virku samtali við aðra þátttakendur. Vettvangurinn er hannaður af Austan mána. Keppnin var opin öllum óháð staðsetningu.

Aðstandendur

Austan mána, SSNE, SSNV

Tímarammi

26.05 - 02.06 2021

Dómnefnd

Hildur Magnúsdóttir framkvæmdastjóri Pure Natura, Jón Garðar Steingrímsson framkvæmdastjóri framleiðslu Genis og Sveinn Margeirsson sveitarstjóri Skútustaðahrepps og verkefnastjóri Nýsköpun í norðri.

Verðlaun

Hugmynd Dagnýjar Guðmundsdóttur var hlutskörpust en hún snýr að betri nýtingu á nautaskrokkum: „Nautshjörtu er mjög góður matur. Hef heyrt að nautalifur sé líka herramannsmatur. Gera vel útlítandi steikur, láta uppskriftir frá stjörnukokkum fylgja með. Selja tilbúna fulleldaða rétti“.

Aðrar viðurkenningar

  • Vinsælustu hugmyndina átti Þórhallur Bjarnason um að gera Dýrafóður úr sorpi, en flestum þátttakendum líkaði við þá hugmynd.
  • Virkasti þátttakandinn var Rögnvaldur Helgason en hann veitti flestar endurgjafir eða lagði orð í belg við hugmyndir annara