Vestfirðir
Vestfjarðarkjálki nær yfir 22.271 km² og afmarkast af Gilsfirði í vestri og Bitrufirði í austri norðan Hrútafjarðar. Þar búa um 7.220 íbúar í níu sveitarfélögunum Reykhólahrepp, Vesturbyggð, Tálknafjarðarhrepp, Ísafjarðarbær, Bolungarvíkurkaupstað, Súðavíkurhrepp, Strandabyggð, Árneshrepp og Kaldrananeshrepp. Fjölmennasta sveitarfélagið er Ísafjarðarbær með um 3.771 íbúa en fámennast er Árneshreppur með um 40 íbúa.
Samtök sveitarfélaga og atvinnuþróunar á Norðurlandi eystra (SSNE) hefur það að yfirlýstu markmiði í sóknaráætlun sinni fyrir 2020-2024 að „Efla fjölbreytt atvinnulíf og stuðla að nýsköpun á öllu svæðinu. Sérstök áhersla er lögð á matvælatækni, velferðartækni, frumgreinar, ferðaþjónustu, og norðurslóðamál“.
Hraðlar
Startup Westfjords er nýsköpunar „hemill“ á Þingeyri fyrir sprotafyrirtæki, teymi og einstaklinga með nýsköpunarverkefni í öllum stigum. Hemillinn leggur áherslu á að hægja á vinnu til að fá yfirsýn og skýrleika. Verkefnið er á vegum samfélags- og nýsköpunarmiðstöðvarinnar Blábankans.
LausnaVer er leiðtogaþjálfun fyrir ungt fólk og ætlað að skapa vettvang til að skapa verðmæti í matvælaframleiðslu og finna nýjar lausnir á gömlum og viðvarandi vandamálum. Að LausnaVeri standa Skúrin, samfélags- og nýsköpunarmiðstöð á Flateyri og Djúpið, frumkvöðlaskjól í Bolungarvík.
Samvinnu- og/eða nýsköpunarrými
Blábankinn á Þingeyri Samfélags- og nýsköpunarmiðstöð starfrækt frá árinu 2017. Blábankinn býður samvinnurými ásamt annari þjónustu við bæjarbúa ásamt því að halda hraðalinn Startup Westfjords.
Djúpið í Bolungarvík Samfélags- og nýsköpunarmiðstöð með áherslu á nýsköpun í matvælaiðnaði. Djúpið býr yfir framleiðsluaðstöðu ásamt samvinnurými.
Muggstofa á Bíldudal Samfélags- og nýsköpunarmiðstöð sem opnaði í október 2021. Muggstofa er samstarfsverkefni Vesturbyggðar og Skrímslasetursins á Bíldudal. Muggstofa veitir opinbera þjónustu ásamt því að halda úti samvinnurými.
Þróunarsetrið Hólmavík Samfélags- og nýsköpunarmiðstöð starfrækt frá árinu 2008. Þróunarsetrið veitir opinbera þjónustu ásamt því að hýsa fjölmörg fyrirtæki.
Skúrin á Flateyri Nýsköpunar- og samfélagsmiðstöð sem hóf störf árið 2020. Skúrin er samvinnurými sem hýsir fjölmörg fyrirtæki ásamt aðalskrifstofu Lýðskólans.
Þinghóll á Tálknafirði
Vestrahúsið á Ísafirði Háskólasetur Vestfjarða er opið rannsóknarfólki og rannsóknarnemum, sem dvelja á Vestfjörðum vegna rannsókna sinna. Dæmi um slíkar rannsóknir, sem þegar hafa farið fram, má finna hér á síðunni.
Fjord people á Ísafirði Samvinnurými sem leggur áherslu á fólk í störfum án staðsetningar sem ferðast til Íslands vegna áhuga á vetraríþróttum og útivist.
Stuðningsumhverfi
Háskólasetur Vestfjarða Rannsóknir á sjávartengdri nýsköpun.
Rannsóknarsetur Háskóla Íslands á Ströndum Rannsóknarsetur staðsett á Hólmavík. Rannsóknir í þjóðfræði og sérstök áhersla á miðlun og hagnýtingu þjóðfræðilegrar þekkingar. Að auki er margvíslegt samstarf við listafólk, fræðimenn og menningarstofnanir á Ströndum.
Rannsóknarsetur Háskóla Íslands á Vestfjörðum Rannsóknarsetur staðsett í Bolungarvík. Grunn- og hagnýtar rannsóknir á lífríki sjávar og strandsvæða og nýtingu sjávarafurða. Flest verkefni setursins eru unnin með styrkjum frá samkeppnissjóðum og því innan ákveðins tímaramma gjarnan með þátttöku rannsóknanema. Langtímamarkmið með verkefnunum er að byggja upp miðstöð þekkingar og aðstöðu til rannsókna á nærsjó á Vestfjörðum, stuðla að notkun vísindalegra gagna í nýtingu strandsvæða og að skilja þátt sjávarafurða í þróun byggða á Íslandi.
