Samfélagsgróðurhús
Crowdthermal er alþjóðlegt rannsóknarverkefni, hvers markmið er að efla tækifæri Evrópubúa í að taka beinan þátt í þróun verkefna sem byggja á nýtingu jarðhita.
Lögð er áhersla á nýstárlegar leiðir til fjármögnunar (t.d. hópfjármögnun) og er miðað að því að samfélagið sé þátttakandi frá upphafi verkefnis-ins. Samfélagsgróðurhúsið á Húsavík er eitt þriggja tilraunaverkefna í Crowdthermal. Hin tvö eru rekin á Spáni og í Ungverjalandi. Öll nýta þau jarðhita til kyndingar, það íslenska fyrir gróðurhús, en hin tvö fyrir íbúðarhúsnæði.
Samfélagsgróðurhús á Húsavík er alþjóðlegt rannsóknarverkefni sem Eimur er að vinna. Það væri ótrúlega gaman ef þetta yrði að veruleiki og vinnum við nú í því að kynna verkefnið fyrir samfélaginu. Gróðurhúsinu er ætlað að vera sýnidæmi um það hvernig má nýta betur heita vatnið okkar og um leið efla svæðið, nýsköpun og atvinnutækifæri með sjálfbærni að leiðarljósi (Arnhildur Pálmadóttir arkitekt teiknaði efri myndina).
