Plastaþon
 | |
| Vefsíða | |
|---|---|
| Tegund | Lausnamót |
Lausnamótið Plastaþon var haldið 2019 en mótið er bæði hluti af stefnunni Saman gegn sóun og NordMarPlastic sem er formennskuverkefni Íslands í Norrænu ráðherranefndinni.
Áskoranirnar lausnamótsins snéru að því að finna til leiðir til að:
- draga úr plastnotkun
- auka endurvinnslu
- koma í veg fyrir plastmengun
Fjölbreyttur hópur samstarfsaðila tók þátt í viðburðinum ásamt Umhverfisstofnun, þar á meðal Nýsköpunarmiðstöð Íslands, Plastlaus september, Hönnunar- og arkitektúrdeild Listaháskóla Íslands, Matís og IcelandicStartups.
Aðstandendur
Umhverfisstofnun, Saman gegn sóun og NordMarPlastic.
Tímarammi
27. og 28. september 2019
Dómnefnd
Dómnefnd skipuðu þau Auður Önnu Magnúsdóttir, framkvæmdastjóri Landverndar, Einar Bárðarson, framkvæmdarstjóri Votlendissjóðs, og Sigríður Heimisdóttir, iðnhönnuður hjá IKEA.
Verðlaun
Beljur í búð
Hugmyndin gengur út á að setja upp sjálfsafgreiðsluvélar fyrir mjólkurvörur í verslunum þannig að kaupandinn geti dælt vörunni sjálfur í fjölnota umbúðir. Teymið samanstóð af tveimur listakonum, tveimur nemum úr Tækniskólanum, verkfræðingi frá Eflu og markaðsstjóra Krónunnar. Teymismeðlimir eru þær Dröfn Sveinsdóttir, Gríma Katrín Ólafsdóttir, Hafdís Bjarnadóttir, Móeiður Helgadóttir, Lára Kristín Þorvaldsdóttir og Hjördís Elsa Ásgeirsdóttir. Í rökstuðningi dómnefndar kom fram að stór þáttur í sigri lausnarinnar væri sú staðreynd að hún gæti vel orðið að veruleika í náinni framtíð.
